FC BATE

Minn Wikipedija, l-enċiklopedija l-ħielsa

FC BATE

Fundazzjoni	1973
Stadju	Haradzki Stadium Borisov Belarus (Kapaċità: 5,500)
Ċermen	Anatoli Kapski
Kowċ	Viktor Goncharenko
Kampjonat	Vysshaya Liga
Kuluri interni Kuluri esterni

FC BATE Borisov (ippronunċjat bʌtə') (bil-Belaruss: ФК БАТЭ Барысаў; bir-Russu: ФК БАТЭ Борисов) hu klabb tal-futbol mill-Belarus, li jilgħab fil-belt ta' Borisov. Attwalment jikkompetu fil-kampjonat Belaruss li tiegħu huma ċ-ċampjins renjanti. L-istaġun 2008–09 kien wieħed storiku għall-klabb hekk kif ikkompetew għall-ewwel darba fil-UEFA Champions League. L-istadju tagħhom huwa l-Haradzki Stadium.

Werrej 1 Storja 2 Skwadra kurrenti 2.1 L-ewwel tim 3 Plejers famużi 4 Unuri 4.1 Kompetizzjonijiet domestiċi 5 Ħoloq esterni

[editja] Storja

Fundat lura fl-1973, ġie ristabbilit fl-1996. L-isem BATE ġej mill-akronomu tal-Borisov Works of Automobile and Tractor Electronic Equipment. Minkejja li ma kellhomx xi storja wisq sabiħa fi ħdan il-kampjonat Sovjetiku, mill-1996 'il quddiem, BATE irnexxielhom jirbħu ħames kampjonati nazzjonali waqt li kkompetew fil-kompetizzjonijiet tal-UEFA kontra timijiet ta' kalibru bħal AC Milan, Juventus, Zenit St. Petersburg, Bolonga, 1860 Munich u Real Madrid. Mal-unuri tal-kampjonat, insibu wkoll it-Tazza tal-Belarus li ntrebħet fl-2006, meta l-formazzjoni ta' Borisov irnexxielha tagħmel il-famuża double.

Plejers bħal Aliaksandr Hleb, Vitali Kutuzov u Yuri Zhevnov bdew il-karriera tagħhom mal-BATE u llum huma regulari fit-tim nazzjonali tal-Belarus.

Fl-2008, BATE saret l-ewwel skwadra Belarussa li waslet sal-fażi tal-gruppi tal-UEFA Champions League. Il-klabb irnexxielu jasal sa dan l-istadju tal-edizzjoni 2008–09, meta fit-triq elimina fl-ewwel rawnd preliminarju liċ-ċampjins Iżlandiżi Valur, fir-rawnd suċċessiv lill-Belġjani ta' RSC Anderlecht, waqt li fl-aħħar rawnd lill-Bulgari ta' Levski Sofia. It-tlugħ tal-poloz tefgħu lill-klabb Belaruss ma' Real Madrid, Juventus u Zenit St. Petersburg. Wara li fl-ewwel logħba fi Spanja kontra r-Real Madrid tilfu 2–0, BATE kisbu riżultat prestiġjuż meta f'darhom spiċċaw pari ta' 2–2 kontra t-tim ta' Juventus, meta b'sorpriża kienu saħansitra jinsabu f'vantaġġ ta' żewġ gowls. Dan kien l-ewwel punt storiku f'fażi tal-gruppi tal-kompetizzjoni massima Ewropea. Il-mixja ta' BATE kompliet sakemm ġabru punt ieħor fil-partita ta' wara li spiċċat 1–1 kontra t-tim Russu ta' Zenit. Minkejja li spiċċaw l-aħħar mill-grupp u naqsu li jikkwalifikaw għall-fażi suċċessiva jew għar-rawnd tal-aħħar 32 tat-Tazza UEFA, huma xorta kisbu tifħir internazzjonali mill-istampa għad-dixxiplina, l-istil offensiv u n-nuqqas ta' biża li kellhom kontra uħud mill-aqwa timijiet Ewropej.

[editja] Skwadra kurrenti

16.Veremko 14.Khagush 3.Sosnovsky 32.Rzhevsky 55.Yurevich 2.Likhtarovich 22.Stasevich 10.Krivets 17.Sivakov 9.Bliznyuk 20.Rodionov

BATE Borisov 2008-2009

Sa Diċembru 2008

[editja] L-ewwel tim

N. Poż. Plejer 2 M Dmitri Likhtarovich 3 D Sergey Sosnovski 4 M Aleksei Zaytsev 6 M Valentin Radevich 7 M Aleksandr Ermakovich 8 M Aleksandr Volodko 10 M Sergey Krivets 11 A Maksim Skavysh 12 G Roman Stepanov 13 M Pavel Nekhaychik 16 G Sergey Veremko 19 M Lasha Dekanosidze

N. Poż. Plejer 21 D Ivan Pecha 22 M Igor Stasevich 23 A Aleksei Viskushenko 24 A Vitali Kazantsev 25 M Dmitri Baga 26 D Yuri Ryzhko 27 A Sergei Bubnov 30 G Aleksandr Gutor 32 D Vladimir Rzhevsky 55 D Aliaksandr Yurevich M Aleksandr Pavlov A Aleksandr Alumona

[editja] Plejers famużi

• Aliaksandr Hleb
• Vitali Kutuzov
• Yuri Zhevnov
• Egor Filipenko
• Aleksandr Fedorovich
• Aleksandr Ermakovich
• Dmitri Likhtarovich
• Dmitry Molosh
• Vadim Skripchenko
• Gennady Mardas
• Evgeni Loshankov
• Nikolay Ryndyuk
• Yuri Puntus
• Igor Kryushenko
• Gennadi Bliznyuk

[editja] Unuri

[editja] Kompetizzjonijiet domestiċi

• Kampjonat Belaruss: 6

1999, 2002, 2006, 2007, 2008? 2009

• Tazza tal-Belarus: 1

2006

• Kampjonat Sojvetiku: 3

1974, 1976, 1979

[editja] Ħoloq esterni

• (Russu) Sit uffiċjali
• Profil fuq UEFA.com