Emerson Ferreira da Rosa

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Emerson
Emerson Ferreira da Rosa.png
Informazzjoni personali
Isem sħiħ Emerson Ferreira da Rosa
Twelid 4 ta' April 1976 (1976-04-04) (37 sena)
Pelotas
Pajjiż Bandiera tal-Brażil Brażil
Tul 1.84 m
Rwol Midfilder
Klabbs ġovanili
Brażil Botafogo
Klabbs professjonali*
Snin Klabb Preż Gwls
1993–1997 Brażil Grêmio 115 (15)
1997–2000 Ġermanja Bayer Leverkusen 82 (11)
2000–2004 Italja Roma 105 (13)
2004–2006 Italja Juventus 67 (4)
2006–2007 Spanja Real Madrid 28 (1)
2007–2009 Italja Milan 27 (0)
2009 Brażil Santos 6 (0)
Total 470 (49)
Tim nazzjonali
1997–2006 Brażil Brażil 73 (6[1])
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 17:43, 3 Ġunju 2010 (UTC)

Emerson Ferreira da Rosa (Pelotas, 4 ta' April 1976), magħruf sempliċiment bħala Emerson, hu plejer tal-futbol Brażiljan. Il-laqam tiegħu huwa "Il-Puma" minħabba l-movimenti felini li għandu fin-nofs tal-grawnd.

Werrej

Karriera [editja]

Wara li beda l-avventura Ewropea mat-tim Ġermaniż ta' Bayer Leverkusen, Emerson ingħaqad ma' AS Roma fejn rebaħ il-kampjonat u kif ukoll is-Supertazza Taljana fl-2001. Il-prestazzjonijiet impressjonanti għal Roma fl-istaġun 2003–04, wasslu għal klabbs bħal Juventus kif ukoll Real Madrid biex jinteressaw irwieħhom fil-plejer biex jakkwistawh matul is-suq tat-trasferimenti tas-sajf. Wara saga twila fuq il-futur tiegħu, Roma xtaqu li jbiegħhuh lil Real Madrid minflok lir-rivali Juventus però Emerson xtaq li jmur ma' Juventus, fejn mexa mal-passi tal-kowċ Fabio Capello biex ingħaqad ma' Juventus għal somma ta' madwar 15-il miljun Ewro. Wara żewġ staġuni mat-tim minn Turin, hu ttrasferixxa ma' Real Madrid għal darb'oħra flimkien ma' Capello. Madankollu, minħabba r-relazzjoni xejn tajba li kellu ma' Capello flimkien ma' prestazzjonijiet xejn konvinċenti, Emerson wera x-xewqa li jirritorna lura lejn Juventus f'Jannar tal-2007 anke jekk kien jaf li b'konsegwenza t'hekk kien se jinżel is-salarju. Però, sa Mejju, il-prestazzjonijiet mat-tim Madrilen tjiebu, u flimkien mar-riżultati tajbin li kien qed jikseb it-tim, nhar it-12 ta' Mejju 2007 hu ddikjara l-intenzjoni li jibqa' ma' Real. Imma, f'konverżazzjoni fuq il-programm tar-radju "El Larguero", il-president ta' Real Madrid Ramon Calderon, qal li Emerson jista' jħalli lil Real Madrid dak is-sajf flimkien mal-attakant Taljan Antonio Cassano minħabba problemi tekniċi.

Fil-21 ta' Awissu 2007, Milan uffiċjalizzaw l-akkwist tal-Brażiljan.[2] Id-debutt wasal fis-Supertazza Ewropea meta' Milan rebħu lil Sevilla 3–1 nhar il-31 ta' Awwissu. Nhar il-21 ta' April 2009 hu u l-klabb Milanist waslu fi qbil unanimu li jħassru l-kuntratt minħabba raġunijiet personali.[3]

Wara li fis-26 ta' Lulju, 2009, iddeċieda li jissieħeb ma' Santos, tliet xhur wara, eżattament fis-16 ta' Ottubru, hu ddeċieda li jtemm il-kuntratt tiegħu minħabba uġigħ persistenti.

Internazzjonali [editja]

Emerson kien rimpjazzament għal Romário fit-Tazza tad-Dinja 1998. Hu kien se jkun il-kaptan tat-tim Brażiljan fit-Tazza tad-Dinja 2002, però Emerson sofra minn uġigħ fi spallejh biex ħalla l-post tal-kap tat-tim għal Cafu; it-tim Sud-Amerikan irnexxielu jirbaħ l-edizzjoni tal-2002.

Referenzi [editja]

  1. ^ (Ingliż) Profil ta' Emerson. fifaworldcup.yahoo.com, 01-07-2006
  2. ^ Welcome Puma! - AC Milan.com
  3. ^ (Ingliż) Emerson Leaves Milan Through Mutual Consent. Goal.com, 21-04-2009. Aċċess tal-URL: 21-04-2009.

Ħoloq esterni [editja]

Miġjub minn "http://mt.wikipedia.org/w/index.php?title=Emerson_Ferreira_da_Rosa&oldid=215172"