Daniel Van Buyten
 |
|||
| Informazzjoni personali | |||
|---|---|---|---|
| Isem sħiħ | Daniel Van Buyten | ||
| Twelid | 7 ta' Frar 1978 Chimay |
||
| Pajjiż | .svg){kind=small} Belġju |
||
| Tul | 1.96 m | ||
| Rwol | Difensur | ||
| Informazzjoni fuq il-klabb | |||
| Klabb kurrenti | Bayern Munich | ||
| Numru | 5 | ||
| Klabbs ġovanili | |||
| 1986–1991 | JS Froidchapelle | ||
| 1991–1993 | Olympic Charleroi | ||
| 1993–1994 | UBS Auvelais | ||
| 1994–1997 | FC Somzée | ||
| 1997–1998 | Charleroi | ||
| Klabbs professjonali* | |||
| Snin | Klabb | Preż | Gwls |
| 1998–1999 | Charleroi | 19 | (1) |
| 1999–2001 | Standard Liège | 57 | (7) |
| 2001–2004 | Marseille | 76 | (2) |
| 2004 | → Manchester City (self) | 5 | (0) |
| 2004–2006 | Hamburger SV | 61 | (7) |
| 2006– | Bayern Munich | 120 | (15) |
| Tim nazzjonali | |||
| 2001– | Belġju | 59 | (9) |
| * Il-preżenzi u l-gowls fil-karriera professjonali huma validi biss għall-kampjonat domestiku. Aġġornament: 14:57, 9 Ġunju 2011 (UTC) |
|||
Daniel Van Buyten (Chimay, 7 ta' Frar 1978) huwa plejer tal-futbol Belġjan li jilgħab bħala difensur ċentrali mal-klabb Ġermaniż ta' Bayern Munich.
Werrej |
[editja] Karriera
Wara li beda l-karriera tiegħu ma' Charleroi ġewwa l-Belġju, aktar tard ingħaqad ma' Standard Liège fejn matul iż-żmien żviluppa bħala wieħed mill-aqwa difensuri fil-kampjonat nazzjonali. Fl-2001, waslet il-qabża l-kbira meta ingħaqad ma' Olympique Marseille ġewwa Franza għal somma ta' 12-il miljun ewro. Ma' dan il-klabb hu kopra l-irwol ta "difensur-attakkant", fejn barra d-daqqiet ta' ras tajbin li kellu, kien jipposjedi xuttijiet qawwijin. Għall-istaġun 2003–04 ġie msellef lill-klabb Ingliż ta' Manchester City, esperjenza li ratu biss jilgħab ħames logħbiet fil-kampjonat.
Fl-2004, hu ngħaqad ma' Hamburg fejn fiż-żewġ staġuni li qatta' mal-klabb irfina r-reputazzjoni tiegħu fil-Bundesliga. Din ir-reputazzjoni attirat lil Bayern Munich, li fl-2006 akkwistawh fejn iffirma kuntratt li kien se jżommu mal-klabb Bavarjan sal-istaġun 2009–10. Minkejja l-kompetizzjoni qawwija li kienet teżisti għal post regulari fl-iskwadra, Van Buyten żviluppa ma' Lúcio koppja difensiva affidabbli, li kienet il-preferuta tal-kowċ Ottmar Hitzfeld. L-ewwel gowl tiegħu wasal fid-9 ta' Diċembru, 2006, hekk kif il-gowl tiegħu issiġilla r-rebħa ta' 2–1 kontra Energie Cottbus. Madanakollu, l-ikbar kontribuzzjoni tiegħu fl-ewwel staġun tiegħu waslet fiċ-Champions League meta nhar it-3 ta' April, 2007, skorja darbtejn (wieħed minnhom fl-aħħar minuta) fl-ewwel leg tal-kwarti tal-finali barra minn darhom kontra Milan.
Fiż-żewġ staġuni li segwew hu sab postu iktar fuq il-bank tas-sostituti. Bit-tluq ta' Lúcio, għall-istaġun 2009–10 il-kowċ Louis van Gaal ta post regulari lil Van Buyten li beda jifforma koppja difensiva ma' Martin Demichelis. Dan l-istaġun kien immarkat bil-finali tal-UEFA Champions League, fejn hu lagħab il-logħba sħiħa minkejja li Bayern ħarġu telliefa.
Fi Frar tal-2010, Bayern Munich ħabbru li Van Buyten iffirma kuntratt ġdid li se jżommu mal-klabb sal-2012.
[editja] Internazzjonali
Van Buyten issejjaħ għall-ewwel darba mat-tim nazzjonali Belġjan fl-2001 u kien fl-iskwadra magħżula għat-Tazza tad-Dinja 2002.
[editja] Unuri
[editja] Klabb
Bayern Munich
- Bundesliga: 2007–08, 2009–10
- DFB-Pokal: 2008, 2010
- DFB-Ligapokal: 2007
- DFL-Supercup: 2010
[editja] Ħajja privata
Missieru, Franz, kien lottatur popolari Belġjan fl-Ewropa bejn l-1960 u l-1980. Ommu, Renate, hija ta' nazzjonalità Ġermaniża.
[editja] Ħoloq esterni
 |
Wikimedia Commons għandha fajls multimedjali li għandhom x'jaqsmu ma': Daniel Van Buyten |
|
|||||
