Birżebbuġa

Birżebbuġa
Mottu: 'Pax Salusque Omnibus (Paċi u Saħħa għall-Kulħadd)
Isem uffiċjali:	Il-Kunsill Lokali ta' Birżebbuġa
Stat:	Malta
Latitudni:	35°49′32″N N
Lonġitudni:	14°31′41″E E
Erja:	9.2km²
Popolazzjoni:  – Total:  – Densità:	9634 1,000/km2
Konfini:	Ħal Balzan, Iklin, Ħal Lija, Msida, San Ġiljan, Santa Venera, Ħal Qormi
Sindku:	Joseph Farrugia (PL)
Qaddis patrun:  – Ġurnata:	San Pietru L-ewwel Ħadd ta' Awwissu

Birżebbuġa hu raħal (b'populazzjoni ta' 10,000 ruħ) u port fil-Bajja ta' Marsaxlokk fin-nofsinhar ta' Malta.

Dan ir-raħal l-aktar li magħruf għall-fossili ta' Żmien is-Silġ li nstabu f'Għar Dalam, għar qrib Birżebbuġa. Il-knisja parrokkjali ta' Birżebbuġa hija ddedikata lil San Pietru fil-Ktajjen.

L-Arma

L-arma ta' Birżebbuġa turi forma ta' 'V' blu u fergħa taż-żebbuġ blu fuq sfond abjad. Il-blu jirappreżenta l-baħar blu tal-qrib u ż-żebbuġa tindika l-importanza taż-żebbuġ fl-ekonomija tal-lokal.

Il-motto tar-raħal huwa Pax Salus Que Omnibus (Paċi u Saħħa lil kulħadd)

L-Istorja

Qrib ir-raħal ta' Birżebbuġa nsibu Għar Dalam. Insibu l-abbitat ta' Żmien il-bronż dak ta' Borġ in-Nadur li huwa strutura oħra prestorika f'din il-lokalità. Apparti dawn is-sit preistoriċi, ir-raħal ta' Birżebbuġa jinkuldi fih ukoll bini storiku ieħor li jmur lura għal sekli sħaħ. Dawn jikxfu l-perjodi differenti li n-nies ta' din il-gżira għaddew minnhom taħt tmexxija politika differenti. Dawn il-bini jinkulu fihom il-Batterija Kostali Ferretti u foss madwarha. Dawn is-siti jmorru lura meta Malta kienet immexxiha mill-Kavallieri Taljani Kattoliċi tal-Ordni ta' San Ġwann bejn is-snin 1530 u 1798. Napuljun kien keċċa lil din l-Ordni minn Malta u wara biss ftit snin din il-gżira waqgħet taħt idejn l-Gran Brittanja.

Kappelli fir-raħal ta' Birżebbuġa jagħtuna iktar dawl tal-istorja:

1. Il-Kappella ta' San Ġorġ (1575, reġgħet infetħet fl-1683). Viċin tagħha nsibu s-sit preistoriku tal-cart ruts.
2. Il-Kappella tar-Ragħaj it-Tajjeb
3. Il-Kappella tal-Immakulata Kunċizzjoni (1822, tkabbret fl-1862)
4. Il-Kappella tas-Sagra Familja (1865). Preżentament din il-kappella tintuża għall-Adorazzjoni.
5. Il-Kappella tal-Għajnuna tal-Insara (1839). Din hija kappella privata.
6. Il-Kappella ta' San Ġużepp (1871). Din ukoll hija kappella privata.
7. Il-Kappella ta' Marija Addolorata (1909), li serviet ta' parroċċa sas-sena 1938.

Birżebbuġa saret b'mod formali parroċċa fid-9 ta' Settembru 1913, permezz ta' qassis li kien residenti f'Birżebbuġa. Iktar 'il quddiem fl-istorja, l-parroċċa ħadmet biex tibdni knisja ikbar din id-darba ddedikata lil San Pietru fil-Ktajjen. Din il-knisja l-ġdida ġiet ikkonsagrata fit-12 ta' Ġunju 1938. Il-Kappillan preżenti huwa Fr. Nicholas Pace.

Matul dawn l-aħħar għoxrin sena, kien hawn inluss ta' ħaddiema ġodda jaħdmu fil-Malta Freeport. Dan wassal għal tibdil fir-raħal ta' Birżebbuġa. Mhux biss dawn il-ħaddiema kabbar in-nies f'dan ir-raħal imma ukoll in-nies villeġanti li jqattgħu l-jiem tas-Sajf f'Birżebbuġa. Il-popolazzjoni ta' Birżebbuġa hi madwar 10,000 ruħ.

Żoni f'Birżebbuġa

Il-Parroċċa ta' Birżebbuġa.

Dan ir-raħal li jinsab fin-naħa ta' isfel ta' Malta jinsab fejn il-baħar u l-iktar li hu magħrud għall-Bajja s-Sabiħa (Pretty Bay) u l-Bajja ta' San Ġorġ (Saint George's Bay), popolari l-iktar mas-sajjieda. Apparti ċ-ċentru ta' Birżebbuġa li jdur mal-knisja parrokjali, nsibu diversi żoni mxerrda mar-raħal, fosthom:

1. Qajjenza
2. Tal-Papa
3. Bengħajsa
4. Brolli

Biex wieħed jasal fir-raħal ta' Birżebbuġa jista' juża t-trasport pubbliku bin-numru 82 (tgħaddi ukoll fiż-żona tal-Papa), X4 (tgħaddi ukoll fiż-żona ta' Ħal Far u diretta għall-Ajruport), 210 (tgħaddi miż-Żejtun fi triqitha lejn l-Isptar Mater Dei).

Każini tal-Banda

Is-Soċjetà Filarmonika San Pietru Banda Birżebbuġa bdiet tiffunzjona fl-1990 u parteċipat attivitament f'attivitajiet kulturali u reliġjużi madwar il-gżira ta' Malta. Filwaqt li l-ewwel banda f'Birzebbuga , il -Banda San Pietru ta' l-Ghaqda Muzikali San Pietru fil-ktajjen bdiet fl-1957.