Antonio Valencia
Minn Wikipedija, l-enċiklopedija l-ħielsa
Antonio Valencia  |
||
 |
||
| Informazzjoni personali | ||
|---|---|---|
| Isem sħiħ | Luis Antonio Valencia Mosquera | |
| Twelid | 4 ta' Awwissu 1985 Lago Agrio |
|
| Pajjiż |  Ekwador |
|
| Tul | 1.81 m | |
| Rwol | Ġwejnħa | |
| Informazzjoni fuq il-klabb | ||
| Klabb kurrenti | Manchester United | |
| Numru | 24 | |
| Klabbs ġovanili | ||
| 1999–2001 2001–2004 |
Caribe Junior El Nacional |
|
| Klabbs professjonali | ||
| Snin | Klabb | Preż (Gwl)* |
| 2003–2005 2005–2008 2005–2006 2006–2008 2008–2009 2009– |
El Nacional Villarreal → Recreativo (self) → Wigan Athletic (self) Wigan Athletic Manchester United |
84 (20) 2 (0) 14 (1) 36 (1) 47 (6) 0 (0) |
| Tim nazzjonali | ||
| 2005– | Ekwador | 38 (4) |
|
* Preżenzi (Gowls) |
||
Luis Antonio Valencia Mosquera (Lago Agrio, 4 ta' Awwissu 1985) hu plejer tal-futbol Ekwadorjan li attwalment jinsab jilgħab mat-tim ta' Manchester United u t-tim nazzjonali tal-Ekwador.
Werrej |
[editja] Karriera
Valencia beda l-karriera tiegħu ma' El Nacional, u fl-2005 ittrasferixxa għal mat-tim Spanjol ta' Villarreal.[1] Madankollu, hu ġie msellef lil Recreativo de Huelva għal parti sostanzjali tal-istaġun 2005–06.
Fit-3 ta' Awwissu 2006, Valencia ingħaqad mal-klabb tal-Premier League Ingliż Wigan Athletic għal sena taħt self. Il-kowċ Paul Jewell ikkumenta fuq Valencia: "Antonio hu xi ħaġa ġdida għal Wigan. Bħal ħafna Sudamerikani, hu jħaddan ħafna kapaċitajiet u din jikkombinaha ma' pass mgħaġġel u ħidma bla qatigħ fuq il-grawnd. Hu lagħab fl-Ewropa għal staġun, u jien konvint li hu għandu l-attributi neċessarji biex jagħmel suċċess fil-Premiership."[2] Id-debutt tiegħu wasal fid-19 ta' Awwissu 2006, fit-telfa ta' 2–1 kontra Newcastle United, u skorja l-ewwel gowl tiegħu fil-21 ta' Ottubru 2006 kontra Manchester City. Il-perjodu ta' self ġie estiż għas-sena segwenti, u fit-18 ta' Frar 2008 issiġilla permanentament il-passaġġ tiegħu mal-klabb Ingliż, fejn iffirma kuntratt ta' tliet snin u nofs.[3]
Il-forma eċċellenti laqtet l-għajn ta' klabbs importanti matul is-suq tat-trasferimenti tas-sajf 2008, fosthom Manchester United[4] u Liverpool,[5] fejn finalment ittrasferixxa fl-istaġun segwenti ma' Manchester United, għal kuntratt ta' erba' snin.[6]
[editja] Internazzjonali
L-ewwel dehra internazzjonali ta' Valencia mat-tim nazzjonali tal-Ekwador kienet f'partita valida għall-kwalifikazzjoni għat-Tazza tad-Dinja kontra l-Paragwaj fis-27 ta' Marzu 2005, fejn skorja doppjetta fir-rebħa Ekwadorjana bl-iskor ta' 5–2. Hu lagħab f'isem l-Ekwador fil-fażi finali tat-Tazza tad-Dinja 2006 li saret fil-Ġermanja, u kien nominat fit-tim ideali tal-FIFA, lista li tirrikonoxxi l-aqwa plejers għal kull pożizzjoni matul it-Tazza tad-Dinja. Hu kien nominat ukoll bħala wieħed mis-sitt kandidati għall-unur ta' L-Aqwa Plejer Żagħżugħ.[7] Lukas Podolski kien ir-rebbieħ eventwali, anke jekk ir-riżultati uffiċjali tas-sondaġġ imwassal mis-sit tat-Tazza tad-Dinja 2006 urew lil Valencia fil-vantaġġ.
[editja] Unuri
[editja] Klabb
El Nacional
- Serie A de Ecuador: 2005
[editja] Referenzi
- ^ Villarreal bag duo (Ingliż), Sky Sports, 07-06-2005 (Aċċessata nhar il-04-06-2009).
- ^ Wigan snap up Ecuador's Valencia (Ingliż), BBC Sport, 03-08-2006 (Aċċessata nhar il-01-04-2007).
- ^ Wigan finalise swoop for Valencia (Ingliż), BBC Sport, 18-01-2008 (Aċċessata nhar il-18-01-2008).
- ^ Ferguson knows top four targets (Ingliż), 17-04-2008 (Aċċessata nhar il-17-04-2008).
- ^ Wigan confirm interest in duo (Ingliż), 14-05-2008 (Aċċessata nhar il-09-06-2008).
- ^ United sign Valencia (Ingliż). Manutd.com (30-06-2009). Aċċessata nhar il-30-06-2009.
- ^ Six Gillette Best Young Player nominees chosen (Ingliż), 04-07-2006 (Aċċessata nhar il-21-03-2008).
[editja] Ħoloq esterni
- Statistika fuq Soccerbase.com
- Profil fuq ManUtd.com
|
|||||
