Antonio Valencia
 |
|||
| Informazzjoni personali | |||
|---|---|---|---|
| Isem sħiħ | Luis Antonio Valencia Mosquera | ||
| Twelid | 4 ta' Awwissu 1985 Lago Agrio |
||
| Pajjiż |  Ekwador |
||
| Tul | 1.81 m | ||
| Rwol | Ġwejnħa | ||
| Informazzjoni fuq il-klabb | |||
| Klabb kurrenti |  Manchester United |
||
| Numru | 24 | ||
| Klabbs ġovanili | |||
| 1999–2001 |  Caribe Junior |
||
| 2001–2004 | El Nacional |
||
| Klabbs professjonali* | |||
| Snin | Klabb | Preż | Gwls |
| 2003–2005 | El Nacional |
84 | (20) |
| 2005–2008 |  Villarreal |
2 | (0) |
| 2005–2006 | → Recreativo (self) |
14 | (1) |
| 2006–2008 | → Wigan Athletic (self) |
37 | (1) |
| 2008–2009 | Wigan Athletic |
47 | (6) |
| 2009– | Manchester United |
34 | (5) |
| Tim nazzjonali | |||
| 2005– | Ekwador |
40 | (6) |
| * Il-preżenzi u l-gowls fil-karriera professjonali huma validi biss għall-kampjonat domestiku. Aġġornament: 07:22, 1 Frar 2010 (UTC) |
|||
Luis Antonio Valencia Mosquera (Lago Agrio, 4 ta' Awwissu 1985) hu plejer tal-futbol Ekwadorjan li attwalment jinsab jilgħab mat-tim ta' Manchester United u t-tim nazzjonali tal-Ekwador.
Werrej |
Karriera [editja]
Valencia beda l-karriera tiegħu ma' El Nacional, u fl-2005 ittrasferixxa għal mat-tim Spanjol ta' Villarreal.[1] Madankollu, hu ġie msellef lil Recreativo de Huelva għal parti sostanzjali tal-istaġun 2005–06.
Fit-3 ta' Awwissu 2006, Valencia ingħaqad mal-klabb tal-Premier League Ingliż Wigan Athletic għal sena taħt self. Il-kowċ Paul Jewell ikkumenta fuq Valencia: "Antonio hu xi ħaġa ġdida għal Wigan. Bħal ħafna Sudamerikani, hu jħaddan ħafna kapaċitajiet u din jikkombinaha ma' pass mgħaġġel u ħidma bla qatigħ fuq il-grawnd. Hu lagħab fl-Ewropa għal staġun, u jien konvint li hu għandu l-attributi neċessarji biex jagħmel suċċess fil-Premiership."[2] Id-debutt tiegħu wasal fid-19 ta' Awwissu 2006, fit-telfa ta' 2–1 kontra Newcastle United, u skorja l-ewwel gowl tiegħu fil-21 ta' Ottubru 2006 kontra Manchester City. Il-perjodu ta' self ġie estiż għas-sena segwenti, u fit-18 ta' Frar 2008 issiġilla permanentament il-passaġġ tiegħu mal-klabb Ingliż, fejn iffirma kuntratt ta' tliet snin u nofs.[3]
Il-forma eċċellenti laqtet l-għajn ta' klabbs importanti matul is-suq tat-trasferimenti tas-sajf 2008, fosthom Manchester United[4] u Liverpool,[5] fejn finalment ittrasferixxa fl-istaġun segwenti ma' Manchester United, għal kuntratt ta' erba' snin.[6]
Internazzjonali [editja]
L-ewwel dehra internazzjonali ta' Valencia mat-tim nazzjonali tal-Ekwador kienet f'partita valida għall-kwalifikazzjoni għat-Tazza tad-Dinja kontra l-Paragwaj fis-27 ta' Marzu 2005, fejn skorja doppjetta fir-rebħa Ekwadorjana bl-iskor ta' 5–2. Hu lagħab f'isem l-Ekwador fil-fażi finali tat-Tazza tad-Dinja 2006 li saret fil-Ġermanja, u kien nominat fit-tim ideali tal-FIFA, lista li tirrikonoxxi l-aqwa plejers għal kull pożizzjoni matul it-Tazza tad-Dinja. Hu kien nominat ukoll bħala wieħed mis-sitt kandidati għall-unur ta' L-Aqwa Plejer Żagħżugħ.[7] Lukas Podolski kien ir-rebbieħ eventwali, anke jekk ir-riżultati uffiċjali tas-sondaġġ imwassal mis-sit tat-Tazza tad-Dinja 2006 urew lil Valencia fil-vantaġġ.
Unuri [editja]
Klabb [editja]
El Nacional
- Serie A de Ecuador: 2005
Referenzi [editja]
- ^ (Ingliż) "Villarreal bag duo", 07-06-2005.
- ^ (Ingliż) "Wigan snap up Ecuador's Valencia", 03-08-2006.
- ^ (Ingliż) "Wigan finalise swoop for Valencia", 18-01-2008.
- ^ (Ingliż) "Ferguson knows top four targets", 17-04-2008.
- ^ (Ingliż) "Wigan confirm interest in duo", 14-05-2008.
- ^ (Ingliż) United sign Valencia. Manutd.com, 30-06-2009. Aċċess tal-URL: 30-06-2009.
- ^ (Ingliż) "Six Gillette Best Young Player nominees chosen", 04-07-2006.
Ħoloq esterni [editja]
- Statistika fuq Soccerbase.com
- Profil fuq ManUtd.com
|
|||||
